சாம்சங் கேலக்ஸி நோட் 7 போன்றே ஆப்பிள் ஐபோன் 7 கருவியும் வெடிக்கத் துவங்கியுள்ளது. புதிதாய் வாங்கிய ஐபோன் 7 ஒரே வாரத்தில் வெடித்த சம்பவம் பாதிக்கப்பட்டவரை வியப்படையச் செய்திருக்கின்றது.
கடந்த வாரம் முழுக்கத் தென் கொரியாவின் சாம்சங் சந்தித்த அதே பிரச்சனையில் புதிய டுவிஸ்ட். இந்த வாரம் ஆப்பிள் சிக்கியுள்ளது. அமெரிக்காவைச் சேர்ந்த ஆப்பிள் நிறுவனத்தின் ஐபோன் 7 வெடித்துச் சிதறியிருக்கின்றது. விலை அதிகமாக விற்கப்படும் போன்களே இப்படி வெடிப்பது அதிக விலை கொடுத்து வாங்குவோரைக் கடுப்பாக்கியுள்ளது. ஏதேதோ செய்து அதிக எதிர்பார்ப்போடு போன்களை வாங்கிச் சில நாட்களில் அவை பட்டாசு போல வெடித்தால் யார் தான் கடுப்பாக மாட்டார்கள்?
மேட் ஜோன்ஸ் ஆஸ்திரேலியாவின் நியூ சவுத் வேல்ஸ் பகுதியைச் சேர்ந்த மேட் ஜோன்ஸ் தனது ஐபோன் 7 வெடித்ததால் கடுப்பாகியுள்ளார்.
மகிழுந்து தனது காரில் பயணித்துக் கொண்டிருக்கும் போது புத்தம் புதிய ஐபோன் 7 வெடித்ததைத் தொடர்ந்து தீயில் கருகிக் கொண்டிருந்த கருவியை வீடியோவாகப் பதிவு செய்திருக்கின்றார்
நிறுவனம்
கடலில் சர்ஃபிங் செய்யப் பயணித்துக் கொண்டிருந்த ஜோன்ஸ் திரும்ப வரும் போது காரில் இருந்து புகை வருவதைக் கண்டு அதிர்ந்து போயிருக்கிறார், இதனால் காரின் இன்டீரியர் சேதடைந்ததாக ஆஸ்திரேலியாவின் 7 நியூஸ் செய்தியில் குறிப்பிடப்பட்டுள்ளது.
சார்ஜர்
தான் வைத்திருந்த ஐபோன் 7 ஒரு வாரம் பழைய கருவி என்றும், கருவியைச் சார்ஜ் செய்ய ஆப்பிள் வழங்கிய சார்ஜரையே தான் பயன்படுத்தியதாக ஜோன்ஸ் 7 நியூஸ்'க்குத் தெரிவித்துள்ளார்.
ஆய்வு
ஐபோன் 7 கருவி வெடித்திருக்கும் இச்சம்பவம் குறித்து ஆப்பிள் நிறுவனம் ஆய்வு செய்து வருவதாகத் தெரிவிக்கப்பட்டுள்ளது. ஆப்பிள் நிறுவன புதிய கருவிகள் வெடித்துச் சிதறும் சம்பவம் ஒன்றும் புதிய விடயம் கிடையாது. செப்டம்பர் மாதத்தில் ஐபோன் 7 பிளஸ் கருவி ஒன்றும் வெடித்துச் சிதறியது குறிப்பிடத்தக்கது.
சாம்சங்
ஆப்பிள் நிறுவனம் கருவி வெடித்தாலும், சாம்சங் போன்று கருவிகளைத் திரும்பப் பெறும் அளவு இப்பிரச்சனை இல்லை என்றே சந்தை வட்டாரங்கள் தெரிவிக்கின்றன. எனினும் இது போன்று கருவிகள் வெடிக்க லித்தியம் அயன் மூலம் தயாரிக்கப்படும் பேட்டரிகளே காரணம் ஆகும்.
சாம்சங்
ஆப்பிள் நிறுவனம் கருவி வெடித்தாலும், சாம்சங் போன்று கருவிகளைத் திரும்பப் பெறும் அளவு இப்பிரச்சனை இல்லை என்றே சந்தை வட்டாரங்கள் தெரிவிக்கின்றன. எனினும் இது போன்று கருவிகள் வெடிக்க லித்தியம் அயன் மூலம் தயாரிக்கப்படும் பேட்டரிகளே காரணம் ஆகும்.
Thank you :tamil.gizbot
No comments:
Post a Comment